Technegau yn y Chwareli - Gweithio'r
Llechfaen
(Mae'n bwysig cofio fod gan bob ardal chwarelyddol
ei thermau ei hun. Termau Llanberis a ddefnyddiwyd yn bennaf yma.
Ond roedd termau cyfoethog ym mhob ardal.)
Mae rhaid bwrw golwg dros y fargen cyn ei llnau,
i wneud yn siwr nad oedd crib yn hongian ac allasai fod yn
beryglus i weithio oddi tani. Yna rhaid oedd dragio, sef
defnyddio'r cyn brashollt y morthwyl dragio,
(morthwyl tri phwys) i frashollti'r plygion a'u
pileru i led rhwng 30cm a 60cm. Llwythid y pileri
wedyn yn slediad a defnyddid yr injian stem i'w tynnu i'r
wal. Cwt efo wyneb agored wedi ei adeiladu a ragiau
a'i doi efo crawiau mawr. Erbyn heddiw mae siediau hollti
yn bod, a golyga gwal yn y sied lecyn 90cm neu 105cm lle
gweithia'r holltwr a'r naddwr. Mae lli gron yn y
sied i lifio'r crawiau mawr i fesur a gwneud y clytiau yn
barod i'w hollti yn grawiau tenau.
Yr oedd y cam yma yn gofyn am grefft arbennig iawn.
Eisteddai'r holltwr ar foncyff pren, sef blocyn hollti neu
flocyn tin, gyda'i goesau wedi eu croesi a'r clwt
yn gorffwys ar ei lin chwith. Ei arfau yw dau neu dri cyn
manhollt a gordd fechan o dderw Affrig. Trwch y cerrig gorau
yw chwe charreg i 2cm. Gosodir y crawiau ar ar garreg
wastad, y garreg bentwr, yn barod i'w naddu. Fel
rheol, gwaith y jermon fyddai hyn.
Yna, gesyd y naddwr y grawen denau (tew wyth) ar
lafn y drafael i'w naddu i'r siap a maint petryal
sydd ei angen. Torrir dwy ochr yn syth i gychwyn, a'i tharo
gyda'r gyllell naddu ar y drafael rhyw dair neu
bedair o weithiau nes cael yr ochr yn syth. Yna fe'i mesurir
gyda'r pren mesur - darn hir o bren a hoelen ar y pen, efo
stepiau bob modfedd i ddechrau, ac yna bob dwy fodfedd. Wedi
marcio'r llechen fe naddir y ddwy ochr arall nes cael llechen
hirsgwar o'r maint priodol. Gall naddwr profiadol wneud rhwng 500
a 600 o lechi y dydd.
Erbyn heddiw mae peiriannau i naddu gyda'r cyllyll yn cael eu
troi efo trydan. Gwir y gellir naddu llawer mwy gyda'r dull yma,
er bod mwy o wastraff yn cael ei gynhyrchu yn enwedig os yw'r
cerrig yn drwchus a chaled.
Ym Mlaenau Ffestiniog gelwir gwythien o lechfaen yn
llygad (ll.llygadau). Roedd yn enw a
roddwyd gan arloeswyr y chwarel pan agorwyd y graig gyntaf.
Hynny yw, agor `llygad' y llechfaen.
Enwau llygadau chwareli Blaenau
Ffestinog
Llygad Mochyn
Llygad Cefn/Llygad Coch
Llygad Bach
Hen Lygad
Llygad Newydd
Llygad y Moelwyn
Llygad Thomas Edwards
Llygad Glan y Pwll
Llygad Llwyd |
Haen denau o graig yw gwythien a cheir amryw ohonynt
mewn gwely neu dew o lechfaen. Mae trwch yr Hen
Lygad yn un o chwareli Ffestiniog yn 70 llath gyda 27ain o
wythiennau.
Tewiau a Gwythiennau'r Hen Lygad
Ithfaen glas (slont glai)
Gwythien y Meinars
Y Wythien Isaf a'r Tri Teulu
Gwythien Crych Du Bach
Gwythien Crych Du Mawr
Y Wythien Sylffar
Y Pum Wythien
Y Wythien rhwng y Pump a'r Wythien Wen
Y Wythien Wen a'r Teulu
Yr Ail oddi wrth y Wythien fawr
Y Wythien Fawr
Y Wythien Ddu
Y Wythien Gam
|
Yr Ail Wythien Gam
Y Gwythiennau Mân..y gam a'r frith
Pen Uchaf y Llygad Caled (tew bras)
Y Wythien Galed a'r Teulu
Yr Ail Wythien Galed
Y Wythien Lwyd
Y Wythied Fflat
Y Wythien Grych
Sylffar y Llygad Caled Isaf
Y Wythien Galed Isaf
Gwythien y Smotiau Isaf
Gwythien y Sylffar Du a'r rhai diweddaf |
Y ffordd draddodiadol o Gyfrif
llechi:
Bwrw/mwrw
Cant bach
Cant mawr
Dau gant bach |
3 carreg
10 mwrw and 2 garreg
4 cant bach
1 pwn ceffyl |
Maint Llechi
Credir mai'r Cyrnol Hugh Warburton o Winnington, Sir
Gaer a chyd berchennog stad y Penrhyn yn ystod hanner cyntaf y
ddeunawfed ganrif a fathodd o leiaf rai o'r enwau mawrygus ar y
gwahanol meintiau o llechi. Fel Canghellor a Siambrlen Siroedd
Môn, Caernarfon a Meirion yr oedd yn ffigwr tra dylanwadol. Ac ym
1727, fe'i hapwyntiwyd yn Brif Feistr Taleithiol cyntaf Talaith
Gogledd Cymru o Urdd y Seiri Rhyddion. Daliodd y swydd hyd 1741
pan apwyntiwyd William Vaughan, Corsygedol, un o'r `Cymmrodorion'
cyntaf, a chyfaill agos i'r Morissiaid yn ei le. Ei unig ferch,
a'i aeres, Ann, a briododd Richard Pennant, yr Arglwydd Penrhyn
cyntaf o'r greadigaeth gyntaf ym 1765. Gwelir eu cofeb
addurniedig yn eglwys Llandygai. Dyma'r enwau ar y llechi a'u
maint mewn modfeddi.
Queens |
24x40 |
Empresses |
26x16 |
Princesses |
24x14 |
Duchesses Mawr
|
24x12 |
Duchesses Bach
|
22x12 |
Duchesses Cul
|
22x11 |
Countesses
Mawr |
20x12 |
Countesses Deg
|
20x10 |
Countesses
Bach |
18x12 a 10x9 |
Ladis (Ladies) |
16x12 |
Ladis Llydan |
16x10 and 16x9 |
Ladis Dwbl Dwbl
Cul |
16x8 and 14x10 |
Ladis Bach |
14x12 and 14x8 |
Ladis Dwbl Cul |
12x6 |
Ladis Single |
12x4.5 |
Ladis Single |
10x5 |
Dampcourse (naw pedair a
hanner) |
9x4½ |
|